Eid looks: Rose | Soft | Cut Crease | Lorac Pro 2

by - July 14, 2015

السلام عليكم و رحمة الله و بركاته،
كل عام و انتوا بخير.. 

بمناسبة العيد، حبيت اسوي لكم كم لوك (تنسيقات مكياجية) ممكن اني اسويها للعيد ولا لأي مناسبة..
في اول لوك استخدمت باليت لوراك برو ٢ و حطيت خيارين للروج  بس ممكن تسون اللوك نفسه باستخدام منتجات مشابهة.. 

اضغطوا على العنوان عشان تقرون البوست كامل ^^،



Image Credit: www.maryammaquillage.com


رقمت الشدوات اللي استخدمتها عشان يكون الشرح اسهل، بس الصورة معدلة فالدرجات متغيرة..
نبدا باللوك...

الفرش: 
زوويفا: رقمها ٢٢٨ لكسرة العين
سيقما: E58 هي  فرشة كونسيلر بس استخدمتها مبللة لشدو الجفن
اربن دييكيي: من باليت نيكد ١ *استخدمت نهايتها مب الاطراف*

الشدو:
♥ بعد البرايمر حطيت ١ على كل الجفن و تحت الحاجب
♥  خلطت ١ و ٢ و حطيتهم على كسرة العين، هالخطوة مب لازم تكون مرتبة
♥ حطيت ٣ على كسرة العين
♥  رديت حطيت ٢ عشان اغمق كسرة العين
♥  بللت فرشة سيقما و حطيت ٤ علي الجفن المتحرك *يعني ما وصلته لـ كسرة العين ابداً*
♥  بالفرشة المبللة حطيت ٥ على مدمع العين
♥  استخدمت فرشة اربن دييكيي و شدو ٦ و رسمت خط ضعيييف فوق كسرة العين و بعدين دمجته عشان اسوي حركة الـ Cut Crease بس ناعمة 
حطيت لكم صورة لـ هالحركة فوق، اللي سويته وايد انعم بس اعطيكم الفكرة..

لتحت العين: 
♥  استخدمت فرشة اربن ديكيي و حطيت ٦ تحت العين قريب من خط الرموش و مديته على شكل ايلاينر خفييف، بعدين دمجته بـ ٢
حطيت لكم صورة لـ هالحركة فوق، مديت الشدو من تحت بس بدون الايلانر

♥ 

♥ بعد الشدو حطيت ايلاينر بني من اربن ديكيي داخل العين 
♥بعد المسكرا حطيت رموش من لاش دبي اسمهم على الصورة 


الارواج: 

♥ KIKO 611 من كولكشن المات
♥ Too Faced Melted Berry



ان شاء الله البوست فادكم 
لو حصلت تفاعل بنزل اللوكات الثانية اللي جهزتها ^^


You May Also Like

4 comments