كيفية اختيار الرموش ♥

by - November 20, 2015

السلام عليكم و رحمة الله و بركاته

صباح / مساء الخير 
هذا الموضوع بيكون مخصص للرموش، و كيفية اختيار الرموش اللي تناسب شكل عيننا او تبرزها.. 
وايد بنات يسألوني على انستقرام "شو احسن رموش جربتيها؟" على اساس اني اعرف شكل عينهم. اختيار الرموش يعتمد على ١. شكل العين و ٢. لو تبين تبرزين الشكل ولا لا.
لهذا السبب قررت اسوي هالبوست عن خبرتي البسيطة في الرموش و اكتب رايي في الستايلات و اي شكل عين بتناسبهم.
*انا مب خبيرة تجميل ولا ميك اب ارتست.. 
وايد توصلني رموش بس مب كلها تناسب ذوقي ولا شكل عيني، يعني مب كل الرموش اللي بكتب عنها في هالبوست انا مجربتها شخصياً ^^. 

اكثر الرموش اللي حاطة صورها تحت مصنوعة من شعر المنك لانه في بالي احلى، بس بعد منهم مصنوع من شعر طبيعي او صناعي. 



اشكال العين اللي بتكلم عنها هي: 
١. "اللوزية" / Almond - تناسبها تقريباً كل ستايلات الرموش، و الرموش المسحوبة (قصيرة من داخل و طويلة من برا) تبرز شكل العين اكثر.
٢. المدورة / Round - الرموش اللي طولها مركز فالنص تبرز شكل العين.
٣. العين المسحوبة على فوق / Up turned - ابتعدي عن الرموش اللي تكون مسحوبة وايد. الايلاينر اللي يكون "winged" بس خط سيدة بدل ما يكون مسحوب للحاجب يوازن هذا الشكل.
٤. العين المسحوبة على تحت / Down turned - ركزي على الرموش المسحوة بس اهم شي ما تكون غليظة على الطرف الخارجي لان هذا ممكن ان يسحب العين على تحت اكثر. 
٥.  المبطنة / Hooded - تقدرين تختراين رموش تناسب العين اللوزية ولا المدورة، بس اهم شي ان طول الرموش يكون مناسب. الطول يعتمد على كبر المنطقة اللي بين الحاجب و كسرة العين، و لو تبين تغطينه او تبرزينه. 
٦. الصغيرة / Small - تقدرين تختارين رموش طولها بين "قصير" و "متوسط". عشان العين تبين واسعة اكثر تقدرين تختارين رموش طولها مركز فالنص، بس اهم شي ان ما تكون واايد طويلة. 
٧. العين القريبة من بعض - اختاري رموش المسحوبة عشان التركيز يكون على الجزء الخارجي من العين. 
٨. العين البعيدة عن بعض -  تقدرين تختارين اي ستايل من الرموش، بس اهم شي ان ما تكون واايد مسحوبة على برا. الرموش "الفل" وايد مناسبة لهذا الشكل.
طبعاً هاي مب كل اشكال العين الموجودة، بس حاولت اغطي اهم الاشكال اللي اعرفها.
بشكل عام يوم تبين تختارين رموش حاولي تفكرين شو تبين تبرزين في عينج و شو تبين تخفين و اختاري الرموش اللي تناسب. 
تحت بحط لكم كذا ستايل  احس انهم بيناسبون وايد اشكال و اذواق. قسمتهم على مجموعات  حسب الشكل او اللوك اللي يعطونه للعين. 


مسحوبة / Winged
الستايل وايد ناعم، و يزيد من كثافة الرموش بس مب اوڤر. ممكن يناسب العين الصغيرة.
الستايل فل بس وايد ناعم و خفيف على العين. يعطي طول و كثافة و شكل العين المسحوبة.
الستايل وااايد وااايد خفيف و حلو و يناسب اللي ما تبى رموش طوال.

مدورة او فل / Round or Full

پيرفكت للعين الصغيرة او المبطنة.
الستايل فل و يعطي كثافة للرموش، و شوي مسحوب على برا.
الستايل يعطي شكل مدور للعين، مناسب للي حابه تبين عينها واسعة. ممكن يكون هالستايل في قسم الدراماتك بعد.
الستايل واايد خفيف بس يزيد من كثافة الرموش شوي و يعطي طول.

  Flirty / Natural
الستايل يعطي لوك "وسپي" بس شوي اوڤر.
الستايل "وسپي" ناعم.
وايد مشابه للستايل اللي قبل.
الستايل خفيف و ناعم، مناسب للمكايج السمپل. 
الستايل وايد وايد انوثي و ناعب بس يكون واضح ان مركبة رموش خفيفة.

الستايل يعطي سحبة للعين. ناعم و مناسب لطلعات او مناسبات الصبح.

Edgy 

الستايل دراماتك و مناسب اكثر شي للي عينها كبيرة، او عندها مساحة واسعة بين كسرة العين و الحواجب .

الستايل يعطي سحبة وااايد حلوة للعين، بس طبعاً بشكل اوڤر. ماله داعي نحط ايلاينر ويا هالستايل.

الستايل فل و يعطي شكل العين المسحوبة. وايد حلو ويا شدو خفيف و ايلاينر.

الستايل خفيف بس قصة الرموش تعطي طابع "ادجي".


Dramatic
الستايل فل و اوفر و مناسب ويا ايلاينر او حتى بدون.

الستايل يعطي العين شكل مسحوب بس لان الستايل وايد فل و الشعر متركز بعد على الطرف الخارجي ما انصح فيه للي عينها مسحوبة على تحت لان ممكن ينزل شكل العين اكثر.


الستايل مناسب للي عينها مدورة ولا للي تبى عينها تبين واسعة. انصح فيه للي عندها مساحة واسعة بين الجفن او كسرة  العين و الحواجب لان شعر الرموش طويل.



ان شاء الله يكون البوست فادكم.. 
اي ستايل حبيتوا اكثر؟ هاي لستتي انا: 
Forget Me Not - Lash Dubai
Dalal - Pinky Goat
Fearless - Bloom
Soho - Glossy Makeup
Alya - Lash Dubai
3wash - Brg3 Lashes

شكراً على مروركم 

You May Also Like

0 comments