ارواج لايم كرايم | مقارنة + سواتچز

by - March 10, 2016

السلام عليكم و رحمة الله و بركاته 

اليوم قررت انزل بوست سريع حق سواتچز للأرواج اللي خذتها من لايم كرايم قبل كم اسبوع...
مع ضغط الدراسة ما ألاقي وقت اني اكتب بوستات حق البلوق، خصوصاً اني اكتب باللغتين، بس ان شاء الله بحاول انزل بوستات سريعة مثل هذا...

المهم، السواتچز هي لأيدد مجموعة من لايم كرايم، بالاضافة لمقارنة بينها و بين ارواج لايم كرايم عندي من فترة. 

نقطة مهمة قبل ما ابدأ بالبوست: يُفضل ان كل وحد تقرأ عن المشكلة اللي صارت ويا الشركة قبل فترة.. وايد بنات وقفوا تعاملهم مع الشركة لهذا السبب. سووا سيرج "limecrime scandal" على قوقل عشان تعرفون اكثر. 
انا قررت اخذ الارواج بعد السالفة اللي صارت لأني حبيت الدرجات. 

المجموعة اللي خذتها تتكون من ٣ ارواج سائلة تنشف مات.. الدرجات هي: وردي فاتح "سوفت بنك"، احمر على وردي فاقع،  و درجة "كرامبيري" غامقة.
الدرجات اللي في اول صورتين تحت (بالترتيب من فوق لين تحت) هي:
 Cupid - True Love - Saint

عندي روج من لايم كرايم من فترة طويلة اسمه { رد ڤلڤت } من يوم كان عندهم ٤-٥ درجات بس، و بالنسبة لي تركيته احسن تركيبة ارواج سائلة جربتها. لهذا السبب احب اقارنها بكل روج سائل اجربه، خاصتاً اللي من نفس الشركة لان تركيبتهم تتغير واااايد.
عندي بعد درجتين من الدرجات اليديدة اللي هم { كشمير } و { ريوت }.

هذي مقارنتي بين الدرجات اللي عندي ويا روج رد ڤلڤت
♥ كشمير و ريوت ريحتهم و تعليبهم وااايد مشابهيل لـ  رد ڤلڤت.
♥ تركيبة كشمير و ريوت لكن وايد غير عن  رد ڤلڤت، احسهم ناشفين و يتفتتون بسرعة على الشفايف. ما يدومون لفترة طويلة.

♥ المجموعة اليديد (ترو لوڤ) تغليفها شوي غير: اسفنجة فرشة الارواج شكها تغير و صارت شوي طويلة مقارنةً بالدرجات اللي قبل. اسفنجة الارواج القديمة كانت عريضة و صغيرة.
♥ لون ارواج المجموعة الديدة واضحه، و تركيبتها احسن بس مب مثل رد ڤلڤت. الروج ما يتفتت من على الشفايف و ما ينشفها وايد، لكن يخف مع الاكل. رد ڤلڤت ما يخف مع الاكل و يدوم لساعااات.

هذي النقاط اللي حسيت اني لازم اذكرها...
تحت بتلقون صور الدرجات.
صور السواتچز مب معدلة وصورتها تحت اضائة طبيعية عشان تعرفون الالوان كيف.





شكراً لمروركم 





You May Also Like

0 comments