مشترياتي + سواتچز: بالت بيكا بالتعاون مع جاكلين هيل

by - June 29, 2016


السلام عليكم و رحمة الله و بركاته، 


هذا ثاني بوست هذا الاسبوع… بس هذا ما كنت مخططه اني اكتبه او انزله. 

اكيد كلكم تعرفون عن كولكشن ماركة بيكا بالتعاون مع اليوتيوبر جاكلين هيل. انا اتابعها من اكثر من ٤ سنوات، واايد احبها و احب ذوقها فالميكب و كل شي تتكلم عنه ادري اني ٩٠٪ بحبه مع انه نوع بشرتنا تختلف بس وايد اثق في ذوقها.

اول ما سمعت عن الكولكشن حطيت في بالي اني باخذ شي منه بس لأنه بالتعاون وياها لكن اول ما سمعت عن بالت البلشرات و الهايلايترات كرهته شوي لأن فيه شامبين بوب اللي كان عندي من سنة فـ ما حبيت ان يكون متكرر عندي، لكن اول ما لقيت البالت متوفر على موقع اماراتي طلبته بدون تفكير و ما ندمت ابداً. ناوية اخذ الهايلايتر السائل بعد بس بما انه مو منتج لمتد ادشن بتريا لين الوضع يهدأ.
المهم، البالت وصلني قبل يومين و اول ما فتحت العلبة حطيت في بالي اني بكتب هذا البوست لأن بصراحة يجنن و ما يستاهل اني اصوره انستاقرام بس.
البالت فيه ٣ بلشرات بـ فنش مختلف و فيه هايلايترين. بكتب لكم تحت اسامي المنتجات و الفنش و الكمية اللي فالبالت.

اسامي البودرات في البالت  و الفنش و الكمية:
Rosé Sprits / Luminous blush / Shimmer / 0.12 oz
Amaretto / Mineral blush / Matte / 0.12 oz
Pamplemousse / Mineral blush / Matte / 0.12 oz
Champagne Pop / Shimmering skin perfector pressed / 0.19 oz
Prosseco Pop / Shimmering skin perfector pressed / 0.19 oz


البالت سعره ٥٢ دولار امريكي بس انا طلبته بـ ٢٩٨ درهم.
الكمية و  السعر للفل سياز من المنتجات الموجودة فالبالت:
Mineral Blush / $32 for 0.20 oz
Luminous Blush / $34 for 0.21 oz
Shimmering Skin Perfector Pressed / $38 for 0.28 oz

لو تقارنون السعر و الكمية في البالت و الفل سايز بتعرفون ان الهايلايترات تكلف $٢٥ تقريباً على ٠.١٩ اونص، يعني ٢ من الهايلايترات يكلفون $٥٠ و بس الهايلايتريين يسااوون سعر البالت كامل تقريباً. طبعاً حسابي كان بدون ما اقدر سعر الباكجنق، بس معروف ان سعر الباكجنق للبالت يكون ارخص من الباكجنق لنفس الكمية بس يكون باكجنق منفصل لأن في هذي الحالة يستخدمون  كمية اقل من البلاستيك او اي مادة تُستخدم للباكجنق. 
حبيت اضيف هذي المقارنة عشان اقنع اي وحدة محتارة ان صدق البالت يستاهل و اصلاً الدرجات اللي فيه كلها لمتد ادشن الا شامبين بوب، فاللي حبت الدرجات تاخذه.
و هذي هي الصور اللي صورتها للبالت…
كان صعب اصوره لان البات كاان يعكس كل شي فـ كنت احاول اني اخلي انعكاسي ما يبين.
ان شاء الله تكون الصور مبينة جمال البالت. 








You May Also Like

0 comments