ريڤيو سريع: مزيل المكياج من ديرما اي

by - July 15, 2018

السلام عليكم، 

بوست اليوم ريڤيو سريع عن غسول / مزيل ميكب صار لي اكثر عن شهرين استخدمه. المنتج من ماركة ديرما اي.


مزيل الميكب خالي من المعطرات و الزيوت، و الماركة توعد انه يزيل المسكرات ضد الماي و الميكب الثابت. تركيبة الغسول سائلة مثل الجل بس يسيح بسرعة، ملمسه على البشرة مثل الزيت بس خفيف. طريقة استخدامه مثل طريقة استخدام المزيلات الزيتيه (oil or balm cleansers) اللي تنغسل، تكلمت عن طريقتي كذا مره قبل.

الغسول لطيف جداً على البشرة و ممتاز كـغسول خطوة اولى او ثانية. من تجربتي حسيت انه حلو لميكب الويه/البشرة بس للعين و للارواج المات لازم مزيل ثاني. المسكرا تنمسح بسهولة (ما استدخم مسكرات ضد الماي حالياً) بس الشدو ما ينمسح كامل، فـ استخدم مزيل زيتي عشان اتأكد ان المسكرا و الشدو انمسحوا ١٠٠٪؜.  الارواج المات السائلة جربت كذا ماركة، اما انه النص بس ينمسح و المناطق الثانية ثابته، او ان الروج يتفتت بشكل غير متساوي. بشكل عام ما انصح فيه للأرواج المات. 

اللي حبيته في الغسول انه يذوب الميكب بسولة و كل شي يسيح ويا الماي بدون ما استخدم وايبس ولا قطن عشان امسح الميكب (الا الميكب اللي ثباته عالي).

 بشكل عام حلو حق ميكب خفيف. شخصياً استخدمه كـمزيل خطوة اولى او ثانية، بعدها امسح باقي ميكب العين و الروج بمزيل زيتي، و اخر شي استخدم الغسول النهائي.


المنتج وصلني للتجربة.

ان شاء الله استفدتوا من هذا البوست و استمتعتوا في القراءة 

You May Also Like

0 comments