ريڤيو سريع: The Ordinary

by - October 01, 2018


السلام عليكم،
بوست اليوم بوست سريع عن منتجات عناية بالبشرة سعرها مناسب و تأثيرها واضح 🙋🏽‍♀️



‎💛 سيروم حمض السالسيليك ٢٪؜ | Salicylic acid 2% solution

حبيته من اول كم استخدام لان حسيت انه خفف من الحبوب الصيغرة تحت الجلد و خفف من التسكجر و بشرتي صارت انعم 😍 الحين ما استغني عنه لأني احس الحبوب ترجع لو وقفت استخدام اسبوع مثلاً.

استخدمه ٥-٦ مرات في الاسبوع في الليل و احط بعده مرطب.



❤️ ماسك تقشير بالأحماض | AHA 30% + BHA 2% peeling solution
هذا ماسك استخدمه مره ولا مرتين في الاسبوع لمدة ١٠-٢٠ دقيقة. ينور البشرة و يخليها انعم، تحسون بالفرق من اول ولا ثاني استخدام!

كذا نقطة لازم اذكرها ويا هالمنتج:

▪️ ممكن يحرق او يحسس البشرة خصوصاً لو البشرة مو متعودة على الاحماض للتقشير او بهالكمية. ممكن اول كم استخدام تخلونه كم دقيقة و تغسلونه و شوي شوي تزيدون الوقت. ضروري تجربونه على جزء صغير من البشرة اول عشان تعرفون لو يناسبكم ولا لا.
▪️لا تحطونه على بشرة متحسسه او متقشرة.
▪️ لا تحطونه على بشرة رطبة او تحطونه و تدخلون في الشاور لان الماي يخليه يحرق البشرة. لازم بشرة جافة و تغسلونه اخر شي.
▪️ كالعادة، استخدام واقي الشمس ضروري.



ان شاء الله استفدتوا من البوست ❤️


You May Also Like

0 comments